Өзүнүн билдирүүсүндө Трамп мындай чечим «маалыматка болгон чоң коомдук кызыгуу» менен байланыштуу экенин белгиледи.
«Бул кызыгууны эске алып, мен коргоо министрине жана башка тиешелүү мекемелерге инопланеталык жашоо, аныкталбаган аба көрүнүштөрү жана аныкталбаган учуучу объекттер менен байланышкан материалдарды талдоо жана расмий түрдө ачыкка чыгаруу процессин баштоону тапшырдым», — деп кошумчалады ал.
Ошондой эле президент кайсы конкреттүү документтер расмий түрдө ачыкка чыгарыларын, кандай көлөмдө жана качан коомчулукка жеткиликтүү болоорун тактаган жок.
Бул билдирүү мурдагы президент Барак Обаманын «инопланеталыктардын реалдуулугу» тууралуу шуткаларына байланыштуу америкалык маалымат каражаттарында талкууланган учурда айтылды, бул коомчулукта кеңири резонанс жаратты.
