Моратинос исламофобияга каршы күрөштө билим берүү жана мадлараралык диалогду маанилүү багыттар катары бөлүп көрсөттү. Ал Батыш коомчулугунда исламды түшүнбөстүк дагы эле бар экенин белгиледи. "Көп адамдар ислам эмне экенин билбейт. Алар Куранды окушкан эмес жана өз көз караштарын бурмаланган интерпретациялар жана контексттен чыгарылган цитаталар негизинде калыптандырышат. Биз бардык деңгээлдерде: мектептерде, массалык маалымат каражаттарында жана коомдо билим берүүгө инвестиция салуу керек", - деп кошумчалады ал.
Анын пикиринде, мындай билимсиздик манипуляцияларга идеалдуу шарттарды түзөт. Билим берүү программаларында тарыхый контекстке, теологиялык негиздерге жана ислам дүйнөсүнүн маданий ар түрдүүлүгүнө көңүл буруу керек.
Быйыл БУУ исламофобияга каршы глобалдык планды сунуштоону пландап жатат. Моратинос документте исламофобиянын тарыхый себептерин талдоо, мыйзамдык чараларга сунуштар жана мониторинг системасын түзүү кирет деп билдирди.
Интервьюсунун акырында Моратинос адамзат дүйнөдө бирге жашоону үйрөнүшү керек экенин белгиледи.
