Ал системада өлкөнүн дээрлик бардык жарандары тууралуу маалымат сакталганын белгиледи.
Кудайберген Базарбаев бул системанын түзүлүшүнүн максаты — мамлекеттик кызматтарды көрсөтүүнү жакшыртуу экенин баса белгиледи. «Санарип аймак» аркылуу жарандар керектүү маалыматтарды жана справкаларды тез арада алып, ар кандай мекемелерге барууга убакыт коротпостон ала алышат. Жер, үй, мал жана башка материалдык баалуулуктар тууралуу бардык маалымат бирдиктүү системада жеткиликтүү. Бул кызмат күнүмдүк жашоого көрүнбөй кирип, көп адамдар үчүн зарыл болуп калды», — деп кошумчалады ал.
Автоматташтырылган маалыматтык системанын «Санарип аймак» негизги функциялары төмөнкүлөр:
— жергиликтүү өз алдынча башкаруу органдарынын ишин автоматташтыруу;
— физикалык жана юридикалык жактар менен натыйжалуу өз ара аракеттенүү;
— коррупциялык тобокелдиктерди азайтуу жана жергиликтүү өз алдынча башкаруу тармагында ачыктыкты камсыз кылуу;
— ОМСУ аймагында калкты жана үй-бүлөлөрдү так эсепке алуу;
— шайлоо учурунда шайлоочулардын жана референдумдун катышуучуларынын тизмелерин түзүү үчүн маалыматтарды топтоо процессин жеңилдетүү;
— калкты социалдык коргоо программаларын иштеп чыгуу үчүн маалыматтарды колдонуу.
