Бишкекте бүгүн «Лейлек районунун жалпы дарыгерлик практика борборунун техникалык базасын түзүү жана инфраструктурасын жакшыртуу» долбоору боюнча үч тараптуу меморандумга кол коюлду.
Иш-чарада Кыргызстандын экономика жана соода министри Бакыт Сыдыков, Индиянын өлкөдөгү элчиси Бирендер Сингх Ядав жана Баткен облусундагы президенттин өкүлүнүн орун басары Жаныбек Исаков катышты.
Индия өкмөтү тарабынан каржыланган гранттык долбоордун суммасы 126 миллион сомду түзөт.
Ошондой эле жолугушууда Баткен облусунда баалуу дары өсүмдүгү феруланы өстүрүү жана кайра иштетүү боюнча биргелешкен демилгелер талкууланды.
