Ички иштер министрлигинде кытай бизнеси жана Кытай элчилигинин өкүлдөрү менен жолугушуу өттү. Жолугушуу Ички иштер министринин орун басары Нурбек Абдиевдин жетекчилигинде болду.
Жолугушууда биргелешип чечүүнү талап кылган маанилүү маселелер талкууланды. Иш-чаранын катышуучулары чет элдик адистерди жумушка алган компаниялардан убагында маалымат берүү зарылдыгын белгилешти. Айрыкча, кытай жарандарына Кыргыз Республикасынын мыйзамдарынын негизги талаптары менен алдын ала таанышып, жергиликтүү салттарды жана коомдук жашоонун өзгөчөлүктөрүн эске алууга сунушталды.
Ошондой эле Ички иштер министрлиги бардык жарандары, анын ичинде чет элдик жумушчулар үчүн туруктуу жана коопсуз чөйрөнү камсыз кылуу негизги приоритет экенин белгиледи. Ведомство кытай бизнесмендери менен активдүү кызматташууга жана мүмкүн болгон конфликттерди алдын алуу боюнча чараларды биргелешип иштеп чыгууга даяр экенин билдирди.
Министрлик мыйзамдуулук, объективдүүлүк жана өз ара урматтоо принциптерине берилгендигин, ошондой эле ачык диалогго жана андан аркы кызматташууга даяр экенин билдирди. ```
