Анын айтымында, бул жаңылыктагы негизги максат документтерди бириктирүү болуп саналат, бул дубликаттарды жоюуга жана коррупция менен жасалма документтердин тобокелдиктерин азайтууга жардам берет.
Документтерди качан жаңыртуу керек?
Госрегистринин өкүлү эски кызыл жана жашыл китептер участок сатылганга же өткөрүлгөнгө чейин күчүндө болоорун тактады. Ээлер алдын ала документтерин алмаштырууга тынчсызданбашы керек.
«Эски китептер күчүндө калат, бирок келишимдер жүргүзүлгөндө аларды алмаштыруу керек. Жаңы ээсине кадастрдык планды каттоого милдеттүү», — деди ал.
Кадастрдык план акылы негизде берилет, баасы болжол менен 1 миң 400 сомду түзөт.
Цифрдык форматка өтүү жана жасалмадан коргоо
Эгер мурда мамлекеттик актылар тек гана кагаз түрүндө берилсе, эми кадастрдык план үчүн цифрдык формат киргизилет. Ал «Тундук» системасында электрондук кызматтар порталы аркылуу жеткиликтүү болот.
Ар бир жаран документтин чын экенин онлайн текшере алат, бул кыймылсыз мүлк сатып алууда текшерүү процессин кыйла жеңилдетет. Бул үчүн ЕНИ кодун киргизүү керек, аны darek.kg сайтынан табууга болот.
Жаңы кадастрдык план ошондой эле анын чын экенин текшерүүгө мүмкүндүк берген QR-кодду камтыйт.
Кадастрдык план эмне нерселерди камтыйт?
Кадастрдык план укук орнотуучу документтин статусуна ээ болот жана кыймылсыз мүлк объектиси үчүн паспорттун функциясын аткарат. Анда жер тилкеси жөнүндө бардык маанилүү маалыматтар камтылат:
Соттук талаштардын болушу кадастрдык планды берүүдө баш тартуунун негизин түзүшү мүмкүн экенин белгилеп өтүү керек. Эгер участоктун чектери мурда аныкталган болсо, жаңы планды бир жумушчу күндүн ичинде түзүүгө болот.
