«Учурда көптөгөн эл аралык авиакомпаниялар Иранга/Ирандан учууларын же кыскартып, же толугу менен токтотушту. Учуу графигиндеги часты өзгөрүүлөр өлкөдөн чыгып кетүүнү кыйындатышы мүмкүн. Эгер авиаперевозкаларды колдонуу мүмкүн болбосо, жарандарга коңшу мамлекеттер аркылуу жерден чыгып кетүүнү карап көрүү сунушталат.
Кыргызстандыктар Армения жана Түркияга визасыз кире алышат.
Түркмөнстанга баруу үчүн алдын ала бул өлкөдөгү кыргыз элчилигине кирүү жана транзит визасын алуу үчүн кайрылуу керек.
2026-жылдын 16-январына карата Ирандын Афганистан жана Ирак менен чек арасындагы өткөрмө пункттары ачылган. Бул өлкөлөргө сапар пландаштырганда тиешелүү консулдуктарга визаны алуу үчүн алдын ала арыз берүү керек».
Ошондой эле ТИМ альтернативдүү чыгуу жолдорун карап көрүүнү сунуштайт, анткени Ирандын Пакистан жана Азербайжан менен жер чек аралары учурда жабык.
Ирандан чыгып кетүүгө жардамга муктаж кыргызстандыктарга консулдук департаментке же элчиликке төмөнкү маалыматтарды жөнөтүү сунушталат:
— Фамилия, аты, атасынын аты жана байланыш маалыматтары;
— Жеке маалыматтары бар паспорттун бетинин сүрөтү;
— Мамлекеттик чек араны кесип өтүү пландаштырылган жер.
Иранга жакын арада сапар пландап жаткан адамдарга кырдаал стабилдешкенге чейин баруудан баш тартуу сунушталат.
Байланыш маалыматтары:
- ТИМдин консулдук департаменти (түнү-бойу): +996999312002, [email protected];
- Кыргызстандын Ирандагы элчилиги: +982122830354; +989352505229, [email protected];
- Кыргызстандын Армениядагы ардактуу консулу: +37491919191;
- Кыргызстандын Түркиядагы элчилиги: +903124913506; +905456896800;
- Кыргызстандын Түркмөнстандагы элчилиги: +99312482295; +99312482296; +99365694059;
- Кыргызстандын Афганистандагы элчилиги: +93779099326; +93779099326; +93776544504 (WhatsApp);
- Кыргызстандын Азербайжандагы элчилиги: +994993312312, +994125055674, +994557505301.
