Ведомствонун маалымат кызматынын маалыматына ылайык, наристе өлүмүнүн деңгээли 1 000 тирүү төрөлгөн балага 13,5 түзөт, бул өткөн жылга салыштырмалуу 4,2% га азайганын көрсөтүүдө.
Наристе өлүмүнө алып келген негизги себептер мурдагыдай эле өзгөрбөй жатат: перинаталдык мезгилдеги оорулар биринчи орунду ээлеп, 65,7% учурду (1 224 бала) түзөт, экинчи орунда тума жаракаттар (15,5%, же 289 бала), ал эми үчүнчү орунда дем алуу органдарынын оорулары (8,2%, же 152 бала) турат. Ошол эле учурда, инфекциялык жана паразиттик оорулар боюнча 28,1% га өсүш байкалууда.
Ошондой эле, энелердин өлүмүнүн учурлары көбөйдү. 2024-жылы 48 учур катталды (100 миң тирүү төрөлгөн балага 34,8), бул өткөн жылдын көрсөткүчүнөн 35,4% жогору (25,7, же 36 учур).
Саламаттык сактоо министри Каныбек Досмамбетов энелердин жана наристелердин өлүмүнүн деңгээли саламаттык сактоо системасынын абалынын негизги көрсөткүчү экенин жана бул аялдардын жана жаңы төрөлгөн балдардын өмүрүн сактоо менен байланыштуу болгондуктан, приоритеттүү маселелердин катарында болушу керектигин белгиледи.
Энелердин өлүмүнүн өсүшүн министр «менеджмент чечимдерин кабыл алуу үчүн олуттуу сигнал» деп баалап, бир жума ичинде зарыл чараларды иштеп чыгууга тапшырма берди. Ал антенаталдык байкоо стандарттарын сапатка басым жасап кайра карап чыгуунун маанилүүлүгүн, ошондой эле баштапкы звенолор менен стационарларды санариптик интеграциялоонун зарылдыгын баса белгиледи. Ошондой эле, ал тобокел тобундагы кош бойлуу аялдарды катуу маршрутизациялоонун, телемедициналык консультацияларды күчөтүүнүн жана пренаталдык скринингди киргизүүнүн маанилүүлүгүн белгиледи.
«Оорулардын алдын алуу, убагында ооруканага жаткыртуу жана квалификациялуу жардамга жетүүнүн мүмкүнчүлүктөрү биздин негизги приоритеттерибиз болушу керек», — деп кошумчалады Каныбек Досмамбетов.
