Элчинин айтымында, учурда Россияда Кыргызстандан келген 10 миңге жакын студент окуп жатат, алардын 4,5 миңи бюджеттик негизде билим алууда.
«2025-жылдан баштап Кыргызстандан келген студенттер үчүн жашоо жана башка жеке муктаждыктарды, анын ичинде билим алууну жабуучу гранттар киргизүү пландалууда. Бул, албетте, өлкөнүн жарандарына мектепти аяктаган соң Россия Федерациясында билим алууну улантууга кошумча стимул берет», — деп кошумчалады Вакунов.
Мындан тышкары, элчи Кыргызстандагы россиялык билим берүүнүн позицияларын бекемдөө үчүн маанилүү долбоор жөнүндө айтып берди — Кыргыз-Россия Славян университетинин (КРСУ) жаңы кампусун куруу. Ал Россия тараптан каржылоо бөлүнөрүн, ал эми куруу үчүн жер тилкеси Бишкектен берилерин белгилеп, студенттерге университеттин аймагында ыңгайлуу окуп, жашоого мүмкүнчүлүк түзүлөөрүн айтты.
