Көбүнчө алиментке кайрылган аялдар кыйын жашоо шарттарында калган, анын ичинде майып балдары бар аялдар. Ошол эле учурда, туруктуу кирешеси бар аялдар мындай жардамга сейрек кайрылышат.
«Бул процесс учурунда зомбулук жаңы формаларды кабыл алат — психологиялык, экономикалык жана бюрократиялык. Агрессорлор балдарды жана укуктук системаны контролдоо жана кек алуу үчүн курал катары колдонушат. Аялдар ар бир тиын жана ар бир документ үчүн адилеттүүлүктү талап кылып, туруктуу стрессте, коркууда жана депрессияда болушат», — деп белгиледи Жуманалиева өзүнүн презентациясында.
Ал алимент өндүрүү процесси оңой эместигин, балдарды дарылоо үчүн зарыл болгон каражаттарды алуу кыйынчылыктарын баса белгиледи. Аялдар адвокаттарга жана соттук териштирүүлөргө жогору чыгымдар менен көп жолу туш болушат, ал эми акысыз юридикалык жардамга жетүү ар дайым мүмкүн боло бербейт.
Адвокаттын эскерткен бюрократиялык тоскоолдуктарынын арасында төмөнкүлөрдү белгилеп кетүүгө болот:
- алименттердин адекватсыз өлчөмдөрү;
- сот аткаруучуларынын ишинин жайдыгы жана убагында болбой калуусу;
- карыздардын кирешелерин жашыруу.
«Кээде балалыгынын убагында балдарына кам көрбөгөн ата-энелер, карыган кезде алардан каржылык колдоо сурашат», — деп кошумчалады Айжан Жуманалиева.
