Ал мындай чет элдиктер мыйзам бузуу, анын ичинде Жол кырсыктарын жасоосу мүмкүн экенин белгилеп, натыйжада Кыргызстандыктар күнөөлүү болуп калат деген туура эмес түшүнүк пайда болорун айтты.
Бул билдирүүгө Башкы прокурордун орун басары Умуткан Конкубаева жооп берип, бул кылмыштар Россиянын аймагында болуп жатканын жана ошондуктан кыргызстандык укук коргоо органдарынын бул жагдайга кийлигилүүгө мүмкүнчүлүгү жок экенин белгиледи.
«Биздин мыйзамдар башка өлкөлөрдүн укук системаларына кийлигилүүгө тыюу салат. Бул алдамчылык түрү. Мындай окуялар Россияда гана эмес, Францияда жана башка мамлекеттерде да катталууда. Мындай аракеттер үчүн жоопкерчилик кылмыш жасалган өлкөнүн мыйзамдарына ылайык аныкталат», — деп түшүндүрдү Конкубаева.
Депутат Ахмедова мындай кырдаалдар Кыргызстандын репутациясына залакасын тийгизерин баса белгиледи.
Башкы прокурордун орун басары ошондой эле, мурда "Унаа" ишканасынын өкүлдөрү кыргыз паспорттору жана айдоочулук күбөлүктөрдү жасалма жасоо мүмкүн эместигин, анткени бардык коопсуздук чаралары сакталганын билдиришкенин кошумчалады. «Эгер сизде конкреттүү далилдер болсо, анда аларды бизге талдоо үчүн бериңиз», — деп жыйынтыктады ал.
