Бул тууралуу Turmush агенттигине райондук прокуратурадан билдиришти.
Иш-чара Кыргыз Республикасынын президентинин 2026-жылдын 28-январындагы №18 Жарлыгына ылайык «Ишкердик субъекттерине салыктарды текшерүүгө мораторий киргизүү жөнүндө» өткөрүлдү.
«2023-жылдын 31-декабрына чейин ишкерлер арасында пландан тышкары салыктарды текшерүүгө тыюу салуу боюнча түшүндүрүү иштери жүргүзүлдү. Ошол эле учурда, ишкерлерге Кыргыз Республикасынын Башкы прокуратурасынын мыйзамдуу укуктарын коргоо жана бизнеске мыйзамсыз кийлигилдиктерди алдын алуу боюнча маалымат берилди.
Мындан тышкары, жеке ишкерлерге административдик басым көрсөтүүгө жол бербөө, алардын укуктарын коргоо жана экономикалык ишмердүүлүгү үчүн ыңгайлуу шарттарды түзүү белгиленди. Атап айтканда, мораторийге ылайык, ишкердик субъекттерине пландан тышкары салыктарды текшерүү жүргүзүлбөйт;
— кызматкерлер өз алдынча текшерүүлөрдү баштоого укугу жок, мыйзамда белгиленген өзгөчө учурларды эсепке албаганда;
— ишкерлерге мораторий талаптарын бузган бардык аракеттер прокуратура органдарынын көзөмөлүндө болору маалымдалды.
Эгер мораторийдин күчүндө турган мезгилде ишкердик субъекттерине пландан тышкары салыктарды текшерүү жүргүзүүгө аракет жасалса, ишкерлер прокуратура органдарына кайрылууга укуктуу.
Мындай кырдаал экономикалык ишмердүүлүктү эркин жүргүзүүгө жана ишкерлердин укуктарын коргоого жол ачат.
Ошондой эле мыйзамда белгиленген мөөнөттө лицензияларды жана уруксат документтерин алуу укугу, мыйзамсыз текшерүүлөрдөн коргоо кепилденет.
Ал эми кызматкерлерге мыйзамсыз сыйлык талап кылууга, жасалма административдик тоскоолдуктарды түзүүгө жана ишкердикке басым көрсөтүүгө тыюу салынат; ушул контекстте жеке ишкерлерге мамлекеттик жана расмий тилдерде эскертүүлөр берилди», - деп билдиришти райондук прокуратурадан.
