Жогорку көтөрүлгөн тюльпан (Tulipa anadroma Botschanz.), Кыргызстанда гана кездешчү уникалдуу өсүмдүк, жоголуу коркунучундагы флора жана фауна түрлөрүн тандоого арналган эл аралык конкурстун финалына чыкты. Бул иш-чараны Америка Кошмо Штаттарындагы Индианаполис зоопаркы уюштурат.
Конкурска катышуу боюнча демилгени Эл аралык табиятты коргоо союзунун (IUCN Species Survival Commission Wild Tulip Specialist Group) жапайы тюльпандар боюнча адистер тобу көрсөткөн.
Добуш берүү бир нече этапта өтөт. Биринчи тур 16-марттан 19-мартка чейин пландалган. Эң көп добуш алган түрлөр экинчи турда, 2026-жылдын 20-мартынан 23-мартына чейин, күрөшүн уланта алышат.
Үчүнчү жана төртүнчү турлар 24-марттан 26-мартка жана 27-марттан 29-мартка чейин өткөрүлөт. Төртүнчү турдун финалисттери 2026-жылдын 30-мартынан 3-апрелине чейин суперфиналда атаандашышат.
Эгер тюльпан жеңишке жетсе, конкурсту уюштуруучүлөр бул түрдү коргоо боюнча долбоорлорго финансылык жардам көрсөтүшөт. Учурда жогорку көтөрүлгөн тюльпан жоголуу коркунучунда, бул жергиликтүү тургундардын жана туристтердин гүл жыйноосу, мал жайгаштыруу, ошондой эле луковицаларды казып, сатуу сыяктуу факторлор менен байланыштуу.
Катышуучулардын толук тизмеси жана добуш берүү мүмкүнчүлүгү төмөнкү шилтемеде:
Жапайы тюльпандар боюнча адистер тобунун ишмердүүлүгү тууралуу кошумча маалыматты төмөнкү сайттан таба аласыз:
Ошондой эле Instagram долбоорунун баракчасында материалдар менен таанышсаңыз болот:
Адистер коомчулуктун активдүү колдоосуна үмүт артууда. Алардын пикири боюнча, конкурска катышуу жана мүмкүн болгон жеңиш уникалдуу жапайы тюльпандарды коргоо маселесине эл аралык коомчулуктун көңүлүн бурууга жардам берет.
