Облустук милициянын басма сөз кызматынан билдиришкендей, курулушка Талас облусундагы президенттин ыйгарым укуктуу өкүлү Эрмат Жумаев, Талас облусунун ИИБ башчысы Бактыбек Нарчаев, Талас шаардык ички иштер бөлүмүнүн башчылары, Талас облустук Жол кыймылынын коопсуздугу башкармалыгы, Талас облусундагы ИИМдин атайын полку, Таласта ИИМдин күзөт кызматы, ошондой эле ӨКМ, энергетика кызматы, саламаттык сактоо кызматы жана элдик кошуундардын өкүлдөрү катышты. Ошондой эле, бул бөлүмдөрдүн кызматтык унаалары көрсөтүлдү.
Президенттин Талас облусундагы ыйгарым укуктуу өкүлү Орозо Айт жана Нооруз майрамдары менен жеке курамды куттуктады. Башкармалык башчысы Бактыбек Нарчаев майрам күндөрүндө коомдук тартипти, жарандардын коопсуздугун жана жол кыймылын камсыз кылуу боюнча чараларды күчөтүүнү, ошондой эле кылмыштуулуктун жана укук бузуулардын алдын алуу боюнча иштерди активдештирүүнү тапшырды. Ал ошондой эле жеке курамдан мыйзамдуулукту сактоону жана кызматтык тартипти кармону талап кылды.
Курулуштук текшерүү учурунда кызматкерлердин майрам күндөрүндө коопсуздукту камсыз кылууга даярдыгы текшерилди, ал эми аягында жеке курам жана кызматтык унаалар курулуштук өтүштү.
Келечектеги майрам күндөрүндө Талас облусунун аймагында 300дөн ашык милиция кызматкери күчөтүлгөн режимде иштээрин, коомдук тартипти жана жол кыймылынын коопсуздугун көзөмөлдөй тургандыгын белгилеп өтүү керек.
