Бишкек жана Талас облусундагы компаниялар жаш кадрлар менен активдүү иш алып барып, ар түрдүү стажировкаларды, практика жана карьералык өсүү мүмкүнчүлүктөрүн сунуштоодо.
Жаштарды тартуу методдорунун арасында стажировкалар жана практика эң кеңири таралган, аларды жумуш берүүчүлөрдүн 28%дан 41%ына чейин колдонушат. Ошондой эле компанияларда ийкемдүү график, жумуш ордунда окутуу жана жумуш жарманкаларына катышуу мүмкүнчүлүктөрү бар.
Минтруддан билдиришкендей, жумуш берүүчүлөрдүн жаш кадрларды өнүктүрүүгө болгон кызыгуусу акырындык менен өсүүдө. «Жаштар стажировкасы» программасынын алкагында 16 жаштан 35 жашка чейинки жарандар биринчи жумуш тажрыйбасын алып, аны аяктаган соң жумушка орношуу мүмкүнчүлүгүнө ээ болушат.
Стажерлорду тартууну каалаган жумуш берүүчүлөр арыз толтура алышат.
Стажировкадан өтүп, биринчи жумуш тажрыйбасын алууга умтулган жаштар катталса болот.
