Кабминдин маалымат кызматынын маалыматына ылайык, иш-чаралар Нарын облусунун Кочкор районундагы төрт мектепте өттү.
9-февралдан 12-февралга чейин Балдардын укуктарын коргоочунун Секретариаты «Балдарды коргоо борбору» коомдук бирикмеси менен биргеликте БУУнун Балдар укуктары боюнча комитетинин сунуштарын ишке ашыруу боюнча иш-чаралар планынын алкагында экинчи этаптагы маалыматтык караванды баштады. Ал ушул жылдын ноябрь айына чейин уланат.
Иш-чаралардын негизги максаты — балдарда өзүнө жана башкаларга болгон урматтоо менен активдүү жашоо позициясын калыптандыруу, бул үй-бүлөдөгү оң тарбиянын жана коопсуз билим берүү чөйрөсүнүн натыйжасы болуп саналат.
Иш-чараларга болжол менен 450 мектеп окуучусу жана 280 ата-эне катышты.
Маалыматтык караван алкагында «Балдардын коопсуздугу үчүн күчтөрдү бириктиребиз» темасында билим берүү иш-чаралары уюштурулду. Окуучулар, ата-энелер жана жергиликтүү бийлик өкүлдөрү менен болгон жолугушууларда зомбулуктун алдын алуу жана жергиликтүү жерде балдарды коргоо системасын бекемдөө маселелери талкууланды. Ошондой эле, ата-энелерге позитивдүү тарбия боюнча практикалык сабактар жана балдар менен ата-энелердин ортосундагы мамилелерди жакшыртууга багытталган психологиялык кеңеш берүү өткөрүлдү.
Маалыматтык караван Чүй, Ысык-Көл жана Ош облустарында уланат.
Маалыматтык караванын биринчи этапында иш-чаралар 12 мектепте өткөрүлдү, анын ичинде Ысык-Көл облусундагы 6 мекеме (Тюп жана Джети-Огуз райондору), Чүй облусундагы 2 мектеп жана Бишкектеги 4 мектеп. Бул этапта 7-11-класстын 1300 окуучусу жана 620 ата-эне катышты.
