Бул документти кабыл алуунун максаты жарандардын ден соолугун жана экосистеманы туруктуу органикалык булгануучулардын терс таасиринен коргоо, ошондой эле кооптуу калдыктарды башкаруунун натыйжалуулугун жогорулатуу жана Стокгольм конвенциясынын талаптарын аткаруу болуп саналат.
Бул маселелер үчүн жооптуу орган катары Табигый ресурстар, экология жана техникалык көзөмөл министрлиги дайындалды, ал эски пестициддерди жана ртут, свинец сыяктуу башка зыяндуу химиялык заттарды коопсуз сактоо жана жок кылуу менен алектенет.
Министрликке эски пестициддерди натыйжалуу жок кылуу жана булганган аймактарды рекультивациялоо үчүн эл аралык донорлордон инвестиция тартуу тапшырылды.
Токтомдун ишке ашырылышы Министрлер Кабинетинин бекитилген штаттык санынын алкагында республикалык бюджеттин жана башка мыйзамдуу каржылоо булактарынын эсебинен жүргүзүлөт.
