Эксперттердин маалыматы боюнча, көп учурда расмий фискалдык чек ордуна кардарларга «пречек» деп аталган документтер сунушталат, алар заказ кылынган тамак-аштын тизмесин камтыйт жана мекеменин эсептик программасында түзүлөт, же заказ тууралуу маалыматты экрандан сүрөткө тартып алышат.
Мындай альтернативдүү документтер фискалдык деп эсептелбейт, төлөмдүн фактыларын тастыктабайт жана салыктар системасында катталбайт. ГНС мындай аракеттер адал эмес салык төлөөчүлөр тарабынан чыныгы кирешени жашырууга жана салык милдеттенмелеринен качууга багытталган болушу мүмкүн экенин белгиледи.
Салык кызматы төлөм учурунда официант же кассир заказдын жалпы суммасын жарыялап, төлөм ыкмасын тактап, кардарга фискалдык чекти кагаз түрүндө берүү керектигин тактады.
Фискалдык чек салык системасында төлөмдүн катталганын жана бюджетке салыктардын түшүшүн тастыктаган жалгыз документ болуп саналат, ошондой эле керектөөчүлөрдүн укуктарын коргойт.
Салык кызматы жарандарга кафелерде жана ресторандарда төлөм учурунда фискалдык чек талап кылууну катуу сунуштайт.
