Анын айтымында, маалыматтык технологиялардын экспорту өлкөнүн жалпы тышкы экономикалык ишмердүүлүгүнүн болжол менен 7%ын жана ички жалпы продуктунун дээрлик 1%ын түзөт.
Абакиров ошондой эле, бул сектордун масштабы боюнча аны традициялык тармактар, мисалы, тигүү өнөр жайы менен салыштырууга болорун белгиледи. Маалыматтык технологиялардын индустриясы Кыргызстандын экспорттук потенциалын жогорулатууда негизги элементке айланууда.
Ал жогорку технологиялар паркынын өнүгүүсү инновациялар жана адам капиталынын мүмкүнчүлүктөрүнө негизделген жаңы экспорттук профилди түзүүгө жардам берерин кошумчалады.
Жогорку технологиялар паркында сектордун активдүү өнүгүүсү улантылып, дүйнөнүн төрт бурчунан дагы көп технологиялык компаниялар жана адистерди тартууда экендиги белгиленди.
