Кыргыз Республикасынын Эсеп палатасы тарабынан жүргүзүлгөн аудит маданият, маалымат жана туризм министрлигинин 2024-жылга карата бюджетинин аткарылышына байланыштуу болду, деп билдирет аталган министрлик.
Текшерүү учурунда финансылык дисциплинаны сактоо боюнча ички контролдо олуттуу кемчиликтер аныкталды. Мыйзамга жана белгиленген процедураларга ылайык келбеген учурлар табылды.
Аудиторлор бузуулар эмгек акы, мамлекеттик сатып алууларды жүргүзүү жана товардык-материалдык баалуулуктарды эсепке алуу сыяктуу аспектилерге байланыштуу экенин белгилешти.
Мындан тышкары, мамлекеттик сатып алуулар жана келишимдерди түзүү процессинде процедуралык катачылыктар орун алды. Айрыкча, келишимдер боюнча 10% дан ашкан алдын ала төлөмдөр жана зарыл мониторингсиз жүргүзүлгөн сатып алуулар катталган.
Финансылык жана процедуралык бузуулар эмгек акы, кызматтык командировкалар, мамлекеттик мүлктү пайдалануу, ошондой эле бухгалтердик эсеп жана финансылык отчеттуулук боюнча чыгымдарды да камтыды. Кээ бир учурларда курулуш-монтаждоо иштеринин наркы же көлөмү негизсиз жогорулагандыгы байкалган.
Аудиттин жыйынтыктары Эсеп палатасынын жыйынында талкууланды, анда финансылык дисциплинаны жакшыртуу, аныкталган бузууларды жоюу жана бюджеттик каражаттарды эффективдүү пайдалануу боюнча сунуштар жана жазуу түрүндөгү көрсөтмөлөр берилди.
