Келечектеги беш жылдын ичинде 15тен ашык ресторанды ар кандай кызмат көрсөтүү концепциялары менен ачуу пландалууда. Бул долбоор жергиликтүү калк үчүн болжол менен 750 жаңы жумуш ордун түзөт.
Тармактын биринчи ресторандары 2026-жылдын аягында ишке киргизилет.
«Вкусно — и точка» компаниясынын башкы директору Олег Пароев, Кыргызстан рыногуна кеңейүү тармактын Россиядан тышкары чыккан биринчи кадамы болоорун белгиледи.
ОсОО «Алькрест Фуд» жетекчиси Темирлан Миргазы, тез тамактануу концепциясы жергиликтүү рынокто талапка ээ экенин жана россиялык бренд менен кызматташуу эл аралык кызмат көрсөтүү стандарттарын киргизүүгө мүмкүндүк берерин кошумчалады.
Маалымат 24.kg
«Вкусно — и точка» тармагы 2022-жылы Россияда McDonald’sтын укук мураскери катары түзүлгөн. Азыркы учурда Россияда 66 региондо 970тен ашык ресторан иштеп жатат. Кыргызстанда бренддин өнүгүшү франчайзинг аркылуу жүргүзүлөт, бул жергиликтүү өнөктөшкө рыноктун өзгөчөлүктөрүн эске алууга мүмкүндүк берет.
