Берилген маалыматтарга ылайык, жаңы имараттын курулушуна республикалык бюджеттен 152 миллион сом бөлүнгөн. Мектеп 275 окуучуну кабыл алат жана заманбап аудиториялар, китепкана, тамактануу жайы, ошондой эле бардык зарыл инфраструктура жана жабдуулар менен камсыздалган.
Касымалиев мурдагы мектеп имараты жергиликтүү калкка 50 жыл кызмат кылганын белгиледи.
Мугалимдерге кайрылып, өкмөт башчысы билим берүүнүн жогорку сапаты өлкөнүн өнүгүшүнө мүмкүнчүлүк түзөрүн баса белгиледи. Ал ошондой эле, быйылкы жылдын апрелинен баштап мамлекет мугалимдердин айлыктарын жогорулатууга киришерин, бул билим берүү процессин жакшыртуу үчүн зарыл шарттарды түзүүнүн бир бөлүгү экенин маалымдады.
«Бүгүнкү күндө бюджеттик мүмкүнчүлүктөр мугалимдердин, медицина кызматкерлеринин жана маданият кызматкерлеринин айлыктарын жогорулатууга мүмкүндүк берет. Соңку жылдары бул билим берүү кызматкерлеринин айлыктарын жогорулатуу боюнча экинчи жолу. Жаңы мектептер жана айлык акы боюнча реформалар жогорку билим берүү сапаты менен колдоого алынуусу керек», - деп кошумчалады ал.
