Конференцияда ал мазмундуу доклад менен чыкты.
Форум Тажикстандын Душанбе шаарындагы Улуттук китепканада өтүп, Тажикстан, Россия, Кыргызстан, Казакстан жана Өзбекстандан келген алдыңкы илимпоздор, эксперттер, мамлекеттик органдардын өкүлдөрү жана финансылык тармактын адистерин чогултту.
Иш-чаранын алкагында ректор А. Мамасыдыков саламдашуу сөзүн сүйлөп, бүгүнкү күндө финансылык системанын цифрлык трансформациясы мамлекеттердин экономикалык туруктуулугун камсыздоонун негизги факторлорунун бири экенин белгиледи.
Анын айтымында, цифрдык технологиялар финансылык башкаруунун ачыктыгын, ылдамдыгын жана натыйжалуулугун жогорулатат, ошол эле учурда адамдык капиталга инвестицияларды талап кылат.
Сөзүндө ректор Борбордук Азия өлкөлөрү үчүн финансылык-цифрдык билимдин өнүгүшүнүн өзгөчө маанилүүлүгүн белгилеп, экономикалык өсүш жана бизнес-процесстердин ылдамдыгы ушул багытта кадрларды даярдоого түздөн-түз көз каранды экенин айтты.
Форумдун жүрүшүндө акчалай төлөмдөрдү кеңейтүү, цифрдык чөйрөдөгү баалуу кагаздар рыногун өнүктүрүү, ислам финансирлөөсү, жашыл финансирлөө жана мамлекеттик финансыларды башкарууда цифрдык технологияларды колдонуу маселелери кеңири талкууланды.
Атап айтканда, ислам финансирлөөсү ишкердикти өнүктүрүүгө жана кичи жана орто бизнеске колдоо көрсөтүүгө көмөктөшөрү, ал эми жашыл финансирлөө экологиялык таза инвестициялык долбоорлорду илгерилетүүгө багытталгандыгы белгиленди. Ошондой эле, баалуу кагаздар рыногунун өнүгүшү региондук экономикалар үчүн жаңы мүмкүнчүлүктөрдү ачары баса белгиленди.
Форумдун жыйынтыгы боюнча эл аралык илимий-практикалык кызматташтыкты бекемдөө максатында Кыргыз-Узбек эл аралык университети Тажикстандын Каржы министрлигине караштуу Илимий-изилдөө финансылык институту менен кызматташтык келишимин түздү.
Бул форум Кыргыз-Узбек эл аралык университетинин эл аралык байланыштарын бекемдөөгө жана финансылык жана цифрдык экономика тармагында академиялык жана практикалык кызматташтыкты өнүктүрүүгө маанилүү салым кошту.
