Иш-чара учурунда Касымалиев мэрия кызматкерлерин президент Садыр Жапаровдун жарлыктары менен тааныштырды. «Силер Жанар Кубанычовичти жакшы билесиңер. Ал Жогорку Кеңеште иш тажрыйбасына ээ, бир нече жолу депутат болуп шайланган. Учурда Ошто көптөгөн инфраструктуралык долбоорлор ишке ашырылууда, аларды улантуу керек. Женишбек Шермаматович [Токторбаев] мыкты иштерди жасашты, жана кечээки коллегиянын жыйынтыктары бул фактты тастыктады, мэриянын ишин «Жакшы» деп баалашты. Бул үчүн силерге ыраазычылык билдирем», — деди ал.
Касымалиев ошондой эле саясий процесстерге кийлигишпөө маанилүү экенин белгиледи. «Эң негизгиси — муниципалдык кызматкерлердин өз милдеттерин аткаруусу, ошондой эле мэриянын жана башка мамлекеттик органдардын жетекчилигинин так иши. Мага башка талаптар жок», — деп кошумчалады ал, Жанар Кубанычовичтин коллегияда айткан сөздөрүнө шилтеме берип.
