Иш-чара Гюрайдын жер астындагы керамика музейинде өтүп, катышуучулардын арасында Кыргызстандын Түркиядагы элчиси Руслан Казакбаев да болду.
Руслан Казакбаев өз сөзүндө Чыңгыз Айтматовдун чыгармачылыгы түрк дүйнөсүнүн элдерин бириктирген жалпы руханий мурас болуп калганын баса белгиледи.
Невшехирдин губернатору Али Фидан жазуучунун чыгармалары 172 тилге которулганын жана дүйнөлүк масштабда адабиятка чоң таасир эткенин белгиледи.
Улуттук кыймыл партиясынын орун басары Ильяс Топсакал Айтматовдун түрк тарыхын сактоодогу жана жалпы маданий мурастын калыптанышындагы ролунун маанилүүлүгүн дагы бир жолу баса белгиледи.
Иш-чара EkoAvrasya Vakfı фонду, түрк дүйнөсүнүн жарандык коомунун кызматташтык ассоциациясы TÜRKSİT жана Чыңгыз Айтматов институту тарабынан уюштурулду. Каппадокия университетинин ректору Хасан Али Карасар да конференцияга катышты.
