Депутат Гулнара Баатырова ЕАЭБдин алкагында эмгек мигранттары үчүн медициналык камсыздандыруу полисин алуу процессин жеңилдетүүнүн маанисине көңүл бурду.
Муканов бул боюнча иш улантылып жатканын айтты. «Өткөн жумада жыйын болуп, анын жыйынтыктары эки жумада күтүлүүдө. Кыргызстан соттук териштирүүнү баштады, анткени Россия ЕАЭБдин алкагындагы келишимдерди сактабай жатат. Медициналык камсыздандыруу эмгек мигранттарынын үй-бүлө мүчөлөрүнө да жайылтылышы керек. Бул маселе Россия Федерациясынын өкмөтүнүн орун басары Алексей Оверчуктун визити учурунда да талкууланган», - деди ал.
Баатырова, эмгек келишимдери бар жарандар менен көйгөйлөр жок экенин кошумчалады. «Социалдык өнүктүрүү министрлигине өндүрүштө жабыркаган жарандардан, мисалы, жаракат алган же бийиктиктен кулаган адамдардан кайрылуулар келип жатат. Бул багытта биргелешкен кызматташуу керек», - деп жыйынтыктады ал.
