Жолугушуунун жүрүшүндө тараптар саламаттык сактоо жана медициналык билим берүү тармагындагы кызматташтыктын ар кандай аспекттерин талкуулашты.
Сүйлөшүүнүн негизги темаларынын бири Кыргызстандагы окуу жайларында билим алып жаткан пакистандык студенттер үчүн медициналык билим берүүнүн сапатын жакшыртуу болду.
Жолугушууга катышуучулар академиялык өнөктөштүктү күчөтүүнүн, билим берүү стандарттарын жогорулатуунун жана студенттер үчүн практикалык даярдыкты кеңейтүүнүн маанилүүлүгүн белгилешти.
Ошондой эле, эки өлкөнүн медициналык университеттери жана саламаттык сактоо мекемелери ортосунда түз кызматташтыкты орнотуу, врачтар жана окутуучулар арасында тажрыйба алмашуу, ошондой эле биргелешкен илимий иш-чараларды уюштуруу мүмкүнчүлүктөрү каралды.
