Генерал-майор Ибрагим Джаббари Ормуз проливи кемелер үчүн жабык экенин тастыктап, алардын жок кылынарын эскерткенин Аljazeera маалымдады.
Анын айтымында, «мунай баасы 81 долларга жетти, жана дүйнө 200 долларга чейин өсүшүн күтүп жатат. Биз Ормуз проливи аркылуу эч кандай кемелердин өтүшүнө уруксат бербейм. Ислам революциясынын коргоочулары, Теңиз күчтөрү жана армиянын баатырлары бул тыюуну бузууга аракет кылган кемелерди өрттөөгө даяр», — деди ал мамлекеттик телеканалга берген интервьюсунда.
Джаббари ошондой эле Иран бул аймакта мунай түтүктөрүнө кол салат жана душманга басым жасалмайынча мунай экспорттоого жол бербейт деп белгиледи. Ал «Америкалыктар жүздөгөн миллиард доллар карыздары бар жана бул аймактан мунайга муктаж, бирок алар бир тамчы да ала алышпайт» деп кошумчалады.
Ормуз проливи Перс булуңундагы өлкөлөрдүн мунай экспортунун негизги маршруту болуп саналат. Жакынкы Чыгыштагы конфликт башталгандан кийин, ирандык маалымат каражаттары проливдеги кемелер КСИРден деңиз коридорунун жабылышы тууралуу билдирүү алышканын маалымдашты. Reutersтин маалыматы боюнча, учурда кеминде 150 танкер ачык деңизде күтүп жатат. Ошентсе да, Ирандын тышкы иштер министри Аббас Аракчи 2-мартта Тегеран проливди жабууну пландаштырбай турганын ырастады.
