Ведомстводо белгиленгендей, 9-декабрда эмгек шарттары жана коопсуздук техникасы боюнча бузулууларды камтыган видеотасма алынган. Инспекторлор тез арада текшерүү жүргүзүп, төрт кабаттуу соода борбору курулуп жаткан объектте нормалардын сакталбаганын тастыкташты.
«Глав Тех Инвест» подряддык уюму 200 миң сомго айып пулга жыгылды, ал эми прораб 5 миң 500 сом айып пул алды. Ошондой эле подрядчыга жазуу түрүндөгү эскертүү берилди. Объекттеги иштер бардык аныкталган бузулуулар толук жоюлгуча убактылуу токтотулду.
Компаниянын лицензиясын токтотуу маселеси атайын комиссиянын жыйынында каралат.
Министрлик курулушчулар «Курулуш жана архитектура жөнүндө» мыйзамдын талаптарын жана коопсуздук техникасынын эрежелерин катуу сактоосу керектигин баса белгиледи, болбосо аларды катуу санкциялар күтөт.
