Кыргыз Республикасынын Эмгек министрлигинин маалыматына ылайык, 2025-жылы 4 315 жаран Кореяда жумушка орношуу боюнча EPS программасы аркылуу кеңеш алуу үчүн кайрылышкан.
Ведомстводон билдиришкендей, аталган программа Корея Республикасынын Эмгек жана жумуш менен камсыздоо министрлиги менен меморандумдун алкагында ишке ашырылууда, бул кыргызстандыктарга аталган өлкөдө жумушка орношуу үчүн уруксат алууга мүмкүнчүлүк берет.
2007-жылы башталган программасы ар жылы эки жылда бир жаңыланып турат. Учурдагы циклда корей тилин билүү боюнча эки этап тестирлөө өткөрүлдү: 1 350 адам катышып, алардын ичинен 339 адам экзаменди ийгиликтүү тапшырды. Натыйжада 225 жаран эмгек келишимдерин алышып, 232 кыргызстандык, алардын ичинде 30 аял, Кореяга жумушка жөнөтүлдү.
Алардын көбү азык-түлүк, химия, кагаз өнөр жайында, ошондой эле пластик, резина жана айнек буюмдарын өндүрүүчү заводдордо иштешет. Орточо айлык акы 1 700 АКШ долларына жакын.
Бүгүнкү күндө Кореяда EPS программасы боюнча 1,5 миңден ашык кыргызстандык иштеп жатат.
