2007-жылдан бери иштеп келе жаткан программа Кыргыз Республикасынын жана Корея Республикасынын жумуш менен камсыз кылуу жана эмгек министрликтеринин ортосундагы меморандумга ылайык ишке киргизилген. Ар эки жыл сайын узартылып турат.
Корей тилин билүү боюнча эки этаптуу тестирлөөдөн 1 миң 350 адам өткөн, алардын ичинен 339 талапкер тестти ийгиликтүү тапшырган. Натыйжада 225 адам эмгек келишимдерин түзүшүп, 232 кыргызстандык, алардын ичинде 30 аял, жумушка чыгып кетишкен.
Көпчүлүк жумушчулар тамак-аш, химия жана кагаз өнөр жайында, ошондой эле пластик, резина жана айнек буюмдарын өндүрүүчү заводдордо иштешет. Орточо айлык акы 1,7 миң АКШ долларын түзөт.
