Ички иштер министри санариптештирүүнүн ички иштер системасында улантылып жатканын белгилеп, видеокөзөмөлдү киргизүүнүн коомдук тартипти сактоого жана жарандарды коргоого багытталганын айтты.
Президент Садыр Жапаровдун тапшырмасын ишке ашыруу алкагында «Коопсуз өлкө» долбоору 2026-жылдын аягына чейин толугу менен аякталууга тийиш. Бул долбоордун алкагында өлкөнүн бардык аймагында 20 миң видеокамера орнотуу пландалууда. Ошондой эле жылдык иш-чаралар планы бекитилип, ички иштер органдарынын жетекчилерине анын аткарылышын көзөмөлдөө тапшырылды.
Мындан тышкары, жарандарды тейлөөнүн сапатын жакшыртуу, калкты кабыл алууда тартипти камсыз кылуу, кайрылууларга көңүл буруп, мыйзамга ылайык суроолорду тез арада чечүү тапшырмасы коюлду.
Ички иштер министрлигинин жетекчилиги коррупцияга каршы күрөштүн маанисине, жеке курамы үчүн күн сайын түшүндүрүү иштерин жүргүзүүнүн зарылдыгына, ошондой эле киберкоопсуздукту күчөтүү жана интернет алдамчылыгына жана санариптик коркунучтарга каршы чараларды күчөтүүгө көңүл бурду.
Жыйындын жыйынтыгы боюнча кылмыштардын алдын алуу, жарандардын коопсуздугун камсыз кылуу, жол коопсуздугу, жашы жете элек балдарды коргоо жана үй-бүлөлүк зомбулук учурларын алдын алуу, ошондой эле кызматтык тартипти бекемдөө боюнча негизги тапшырмалар аныкталды.
