«Кыргызстандын аэропорттору» маалыматтарына ылайык, зыяндын суммасы 59 миң 379 сомду түздү.
Интернетте аэроптодогу окуянын видеосу пайда болду. Иссык-Куль облусунун Ички иштер башкармалыгынан билдиришкендей, окуялардан кийин бир нече жүргүнчү кармалып, милицияга жеткирилген.
Иссык-Куль облусунун Ички иштер башкармалыгынын басма сөз кызматына ылайык, 22-декабрда Иссык-Куль райондук ички иштер бөлүмүнө «Иссык-Куль» аэропортунун коопсуздук кызматынан маалымат келип түшкөн. Маалыматта, аэропортко конгон авиарейстин айрым жүргүнчүлөрү коомдук тартипти бузуп, талаптарга баш ийбей, конфликттик кырдаалдарды жаратууда деп айтылган.
Бул маалымат Иссык-Куль РОВДсынын укук бузууларды каттоо журналына катталган, андан кийин тергөө иши башталган.
Окуя болгон жерге Тамчы айылдык милициясынын оперативдүү-тергөө тобу жөнөтүлүп, зарыл болгон аракеттерди жүргүзүштү. Текшерүүнүн жүрүшүндө 2025-жылдын 22-декабрына караган түнү, саат 03:11де, «Авиа Траффик» авиакомпаниясынын [«Avia Traffic Company»] Москва—Бишкек багыты боюнча учуп келген учак, жаман аба ырайынын кесепетинен «Манас» эл аралык аэропортуна конууга мүмкүнчүлүк ала албай, альтернативалык түрдө Тамчы айылындагы «Иссык-Куль» эл аралык аэропортуна конгон.
Жергиликтүү милициянын маалыматы боюнча, саат 03:40та 182 жүргүнчү толугу менен түшүрүлүп, аэропорттун «стерильдүү» зонасына жайгаштырылган. Чамамен 04:15те айрым жүргүнчүлөр кайрадан учакка отурууну талап кылып, нааразычылыктарын билдире башташкан, натыйжада аэропорттун коопсуздук кызматы убактылуу чектөөлөрдү киргизген.
Ошол учурда, 1982-жылы туулган К.Р. «стерильдүү» зонада болуп, атайылап жерге компьютердик техниканы ыргытып, аэропорттун компьютери жана принтери жабыркаган.
Кийинки текшерүүлөрдүн жүрүшүндө Тамчы айылдык милициясына төмөнкү адамдар жеткирилген жана суракка алынган:
- К.Ч., 1976-жылы туулган, Чүй районунун тургуну;
- А.Н., 1984-жылы туулган, Токмок шаарынын тургуну;
- М.А., 1986-жылы туулган, Ноокат районунун тургуну.
Учурда бул окуя боюнча зарыл болгон текшерүүлөр улантылууда. Текшерүүнүн жыйынтыктары көрсөтүлгөн адамдардын аракеттерине мыйзамга ылайык баа берүүгө мүмкүнчүлүк берет.
