Ал шаардыктардан жаңы генплан боюнча эң актуалдуу суроолордун бири реновация процессине байланыштуу экенин белгиледи. Кыдырмаев генплан көп кабаттуу курулуш үчүн зоналарды камтыйт, бирок бул жер ээлеринин өз жерлеринен ажырайт дегенди билдирбейт. Тескерисинче, генплан бул зоналарда келечекте кандай типтеги имараттар пайда болоорун көрсөтөт. Курулушту жүргүзүү боюнча чечимди жер ээси өзү кабыл алат, ал же куруучуларга жерин сатышы, же үлүштүү курулушта катышышы мүмкүн.
Бишкектин борбордук бөлүгүнө келсек, жаңы объектилердин бийиктигине чектөөлөр коюлган.
"Көптөгөн инвесторлор жана курулуш компанияларынын көп кабаттуу долбоорлорго болгон кызыгуусуна карабастан, жаңы генплан боюнча 9-14 кабаттан ашпаган имараттарды курууга уруксат берилет", - деп кошумчалады ал.
Мындан тышкары, архитектор шаардагы төрт райондун бардыгы өзүнчө борборлорду түзүүгө басым жасалганын белгилеп, бул шаардыктардын борбордук райондорго жумуш, окуу же башка иштер үчүн баруу муктаждыгын азайтууга мүмкүндүк берерин айтты.
