Кыргызстанда уруктарды өстүрүү чарбалары үчүн мамлекеттик дотацияларды берүү боюнча Бирдиктүү система (АИС Дотация) деп аталган автоматташтырылган маалыматтык системанын иши башталды. Бул тууралуу Суу ресурстары, айыл чарба жана кайра иштетүү өнөр жайы министрлигинин маалымат кызматы билдирди.
Система мамлекеттик мекеме АгроСмарт тарабынан иштелип чыккан жана айыл чарба өсүмдүктөрүн жана бакчачылыкты экспертиза кылуу департаментинин алкагында иштейт.
АИС Дотациянын негизги максаты мамлекеттик дотацияларга арыз берүү, карап чыгуу жана эсепке алуу процессин санариптештирүү, ошондой эле уруктардын кыймылын мониторинг кылуу жана алардын максаттуу пайдаланылышын көзөмөлдөө болуп саналат.
Ведомствонун маалыматына ылайык, бул система процедуралардын ачыктыгын жогорулатууга, коррупциялык тобокелдиктерди минималдаштырууга жана реалдуу убакытта аналитикалык отчеттуулукту түзүүгө көмөктөшөт.
Системанын негизги функцияларына төмөнкүлөр кирет:
онлайн-каттоо жана колдонуучулардын идентификациясы, кирүү укуктарын так бөлүштүрүү;
электрондук арыздарды берүү жана жүргүзүү, киргизилген маалыматтарды автоматтык текшерүү;
электрондук документ жүгүртүүсү, электрондук санариптик кол тамга колдонуу;
онлайн-комиссия жыйналыстарын өткөрүү, электрондук протоколдорду түзүү жана кол коюу;
урктардын кыймылын мониторинг кылуу, логистика жана райондор аралык жеткирүүлөрдү камтуу;
урктардын максаттуу пайдаланылышы боюнча электрондук актыларды түзүү, фото- жана GPS-фиксация менен;
борборлоштурулган электрондук архив жана аналитикалык отчеттуулукту түзүү мүмкүнчүлүгү.
Министрлик бул системанын киргизилиши мамлекеттик дотацияларды бөлүштүрүүнү оптималдаштырууга жана уруктарды пайдаланууну көзөмөлдөөнү күчөтүүгө багытталганын баса белгилейт.
