Долбоордо бул өзгөртүүлөр «Наркотикалык заттар, психотроптук заттар, алардын аналогдору жана прекурсорлор жөнүндө» мыйзамды ишке ашыруу үчүн жана мындай заттар менен иш алып баруу боюнча мамлекеттик контролдун системасын жакшыртуу үчүн зарыл экени көрсөтүлгөн.
Долбоордун негизги сунуштарынын бири контролго алынуучу заттардын тизмесин кеңейтүү болуп саналат.
Контролдонуучу заттардын I тизмесине синтетикалык опиоиддердин нитазендик тобунан төрт жаңы затты кошуу пландалууда:
- N-пирролидино протонитазен;
- N-пирролидино метонитазен;
- N-дезэтил-изотонитазен;
- этонитазепипн.
Мындан тышкары, контролго алынуучу жана атайын чараларга дуушар болгон психотроптук заттардын II тизмесине киргизилет:
- гексагидроканнабинол (HHC/ГГК);
- лиздексамфетамин.
Ошондой эле, жалпы чаралар менен контролдонуучу психотроптук заттардын III тизмесине киргизүү сунушталат:
- каризопродол.
Наркотикалык заттар жана психотроптук заттардын аналогдорунун тизмесин жаңы кошундулар менен толуктоо пландалууда, анын ичинде 4-BMC/брефедрон, 4F-PBP, 4F-PHP жана башка заттар.
Өзгөртүүлөр ошондой эле кылмыш кодекси жана укук бузуулар кодекси боюнча укук бузууларды квалификациялоо үчүн маанилүү болгон заттардын өлчөмдөрүнүн таблицасына да тиешелүү. Жаңы позициялар үчүн төмөнкү чектөө маанилери сунушталууда:
- нитазендер: 0,1 грамм (кичине өлчөм), 0,1–3 грамм (чоң), 3 грамм (өзгөчө чоң);
- лиздексамфетамин: 0,1 грамм / 0,1–3 грамм / 3 грамм;
- HHC: 0,2 грамм / 0,2–6 грамм / 6 грамм;
- каризопродол: 0,05 грамм / 0,05–1,5 грамм / 1,5 грамм.
Маалыматта, наркотиктер жана психотроптук заттарды контролдоо боюнча эл аралык конвенцияларга катышуучу катары Кыргызстан улуттук тизмелерин жаңыртууга милдеттүү экени көрсөтүлгөн. Ошондой эле наркотикалык заттар боюнча комиссиянын чечимдери жана жаңы наркотиктер жана психоактивдүү заттар боюнча эрте маалымдоо механизминин иши жөнүндө айтылат.
