Бул маалыматты «Жашылдандыруу чарбасы» муниципалдык ишканасы берди.
Ландшафт дизайнери Бегайым Айткулова белгилегендей, гүлдөр бул ишкананын жылыжайларында өстүрүлүп, даярдалууда.
«Бул өсүмдүктөрдүн арасында катарантус, виола, георгин, бархатцы, цинния, петуния сыяктуу гибриддик түрлөр бар, ошондой эле рудбекия жана гайлардия сыяктуу жергиликтүү сорттор да бар. Отургузуу процесси гүлдүн түрүнө жараша февралда башталды. Алгач биз үрөндөрдү септик, азыр болсо пикировкалоо жүргүзүп жатабыз. Бул гүлдөрдү шаарда апрель айынын аягында отургузууга баштайбыз», - деп билдирди Б. Айткулова.
Кээ бир гүлдөр - бул жергиликтүү сорттор, алар шаардагы климаттык шарттарды жакшы көтөрөт, ал эми гибриддик өсүмдүктөрдүн үрөндөрү чет өлкөдөн импорттолгон.
«Биздин көп жылдык тажрыйбабызга ылайык, катарантус сортундагы гүлдөр шаарда ысыкка чыдамдуу болуп, көп жолу сугарууну талап кылбайт. Өткөн жылы биз бул гүлдөрдү отургузганбыз, алар мыкты натыйжаларды көрсөттү, гүлдөп чыгуусу жайдын эң ысык мезгилине туш келди. Биз ошондой эле бархатцы менен эксперимент жүргүздүк, чоң гүлдүү жана кичине гүлдүү сорттору да ийгиликтүү өстү. Мындан тышкары, рудбекия, гайлардия жана өзүмүз жыйнаган жылдык георгиндер да биздин климатта жакшы өсөт. Ошондой эле, биз шаарда кийинки отургузуу үчүн биздин шарттарга ылайыкташтырылган атайын роза сорттору менен иштеп жатабыз», - деди ишкананын жашылдандыруу адиси Андрей Коновалов.
Объектилер
Спутник
⛶
