Кыргыз Республикасында 1-апрелден тартып медициналык кызматкерлердин эмгек акысы 100%га көбөйөт. Бул тууралуу өлкөнүн президентинин басма сөз катчысы Аскат Алагозов билдирди.
Президент Садыр Жапаров мурда мамлекет медициналык кызматкерлерди колдоого алууга жана алардын эмгек акысын жогорулатууга милдеттенээрин белгилеген.
Бүгүнкү күндө медициналык мекемелердеги кадр жетишсиздигин чечүү жана алардын жүгүн азайтуу боюнча чаралар көрүлүүдө.
Мамлекет башчысы жарандардын ден соолугун сактоодо врачтардын маанилүүлүгүнө көңүл бурду жана аларга мамлекеттик ипотекалык компания аркылуу турак жай алууда артыкчылыктуу шарттарды камсыз кылууну тапшырды, бул алардын социалдык шарттарын жакшыртууга жардам берет», - деп кошумчалады пресс-катчы.
Ал белгилегендей, медициналык жогорку окуу жайларын жаңы бүтүргөн жаш адистер учурда 13 581 сом алса, апрель айынан тартып алардын эмгек акысы 35 248 сомго чейин жогорулайт.
Алагозов белгилегендей, бул минималдуу эмгек акынын мисалы гана, ал эми тажрыйбалуу врачтардын эмгек акысы дагы жогору болот. Стажга байланыштуу кошумча төлөмдөр да күчүндө калат.
Мындан тышкары, алыскы жана тоолуу аймактарда иштөөгө даяр медициналык кызматкерлер 30%га чейин кошумча эмгек акы алууга мүмкүнчүлүк алышат.
«Доктордун депозит» программасынын алкагында мамлекет врачтарга үч айда 66 000 сом төлөп турат.
Талап кылынган адистиктерди, мисалы, педиатрия, неонатология, анестезиология, реанимация жана жалпы хирургияны тандаган жаш докторлор айына 20 000 сом кошумча алышат.
Ошондой эле, өлкөдөгү 28 миң медайымдын эмгек акысы 8 541 сомдон 29 053 сомго чейин жогорулайт, бул үч эсе көбөйүүгө жакын (кошумча төлөмдөрдү жана кыйын шарттарда иштегендеги кошумчаларды эске албаганда).
Учурда Кыргызстандагы медициналык мекемелерде ар кандай адистиктер боюнча врачтарга муктаждык бар, жалпы 1596 бош орун бар», - деп тактады Алагозов.
Төмөндө кайсы аймактарда жана канча врач керектиги тууралуу маалымат берилген.
Ал жерде сизге жеткиликтүү бош орундар жана жумушка орношуу мүмкүнчүлүктөрү тууралуу маалымат алууга болот.
Ошондой эле, медициналык билимге ээ жана жумуш издеп жаткан тааныштарыңыз менен бул маалыматты бөлүшүүнү өтүнөбүз», - деп кошумчалады пресс-катчы.
