Казакстандын өкүлдөрү бул күчөтүлгөн текшерүүлөрдүн убактылуу жана адрестик мүнөзгө ээ экенин билдиришти. Алардын максаты — чек арада тартипти орнотуу, биринчи кезекте, улуттук коопсуздукка коркунуч келтириши мүмкүн болгон товарлардын мыйзамсыз жүгүртүлүшүнүн алдын алуу.
Казакстанда Кыргызстан менен жакшы коңшулук мамилелерин жогору баалашарын, аны стратегиялык өнөктөш жана союздаш катары карай турганын белгилешти. Казакстан Кыргызстан тараптан түшүнүү күтүп, эки өлкөнүн экономикасына жана эл аралык репутациясына зыян келтириши мүмкүн болгон мыйзамсыз аракеттер менен күрөшүү боюнча биргелешип иш алып барууну улантууга үмүттөнүүдө.
ЕЭК белгилегендей, кабыл алынган чаралар ЕАЭБге мүчө мамлекеттердин улуттук компетенциясынын чегинде болуп, евразиялык интеграция процесстерине тоскоолдук кылбайт. Союздун алкагында өз ара соодада ар кандай көзөмөл түрлөрүн жокко чыгаруу режимин ишке ашыруу жүрүп жатат, ЕАЭБдин мыйзамы менен түздөн-түз белгиленген учурларды эске албаганда.
Мындан тышкары, комиссия товарлардын көлөкө жүгүртүүсү менен күрөшүү негизги приоритеттердин бири экенин кошумчалады. Рискаларды азайтуу жана кошумча текшерүүлөргө муктаждыкты жоюу үчүн навигациялык пломбаларды, товарларды көзөмөлдөө жана маркалоо механизмдерин киргизүү пландалууда, ошондой эле бажы көзөмөлүнүн сапатын жакшыртуу боюнча иштер жүргүзүлүүдө.
