Жаңы документке ылайык, «Аскер Сервис» аскердик, эки тараптуу жана атайын максаттагы продукцияларга байланыштуу бардык экспорттук-импорттук жана реэкспорттук операциялар үчүн расмий делдалдын ролун аткарат. Кыргызстан Куралдуу Күчтөрүнүн жана башка аскердик түзүлүштөрдүн муктаждыктары үчүн курал-жарак, аскердик техника, ок-дарылар жана атайын жабдуулар боюнча бардык ички мамлекеттик сатып алуулар ушул структура аркылуу өтөт.
Мындан тышкары, «Аскер Сервис» коргонуу-өнөржай комплексин өнүктүрүү, жаңы технологияларды киргизүү жана импортту алмаштыруу программаларын ишке ашыруу боюнча милдеттерди өзүнө алат.
Ошондой эле, ишкана гарнизондордо жана аскер шаарчаларында жайгашкан аскер кызматкерлеринин жана алардын үй-бүлөлөрүнүн соода-тамактануу кызматтарын көрсөтүү менен алектенет.
Коргоо министрлигинин финансылык абалын жакшыртуу үчүн реорганизацияланып жаткан ведомстволордун карыздарын жабууга каражат бөлүнөт.
