Жыйындын алкагында ЕАЭБге катышуучу өлкөлөрдөгү өнөр жай өндүрүштөрүн түзүү же модернизациялоо учурунда колдонулуучу пайыздык ставкаларды субсидиялоо механизми сунушталат. Долбоорлор комиссия тарабынан тандалат, ал эми пайыздык ставкаларга берилүүчү субсидиялар ЕАЭБдин бюджетинен бөлүнөт. Кыргызстан үчүн өлкөлөрдүн экономикасынын айырмачылыктарын жана потенциалын эске алган атайын, жеңилдетилген тандоо критерийлери иштелип чыгат.
Элимбек Каныбек уулу кооперациянын негизги максаты ЕАЭБ ичинде туруктуу экономикалык чынжырларды түзүү экенин, бул өлкөлөргө өндүрүштү биргелешип өнүктүрүүгө жана Союздун алкагында өндүрүлгөн товарлардын көлөмүн көбөйтүүгө мүмкүндүк берерин белгиледи.
