2026-жылдын 1-январына карата өлкөдө 5547 бош жумуш оруну бар, жумушчу кесиптерге эң көп суроо-талап бар, деп билдирет Эмгек жана социалдык өнүктүрүү министрлиги.
Бүгүнкү күндө республикадагы жумушсуздук деңгээли 1,3% түзөт. Жумушсуздар каттоосунда 56,5 миң адам турат, алардын 38,1 миңи расмий статуска ээ. Жумушсуздарды жумуш менен камсыз кылуу кызматтары 2025-жылдын абалы боюнча 17 454 жаранга жумуш табууга жардам беришти.
Эмгек рыногунда төмөнкү кесиптер үчүн бир катар бош жумуш орундары ачылган:
• 350 бала бакча жана мектептердин тарбиячысы;
• 320 медициналык кызматкер (докторлор, медайымдар, фармацевттер);
• 151 кассир;
• 63 сатуу агенти;
• 36 мамлекеттик жана муниципалдык кызматкер;
• 95 менеджер;
• 150 бухгалтер;
• 24 юрист;
• 40 экономист;
• 96 администратор;
• 185 стажер;
• 4251 жумушчу кесиптерде;
• 253 компьютер адиси;
• 420 ашпозчу;
• 400 соода агенти;
• 185 тигүүчү;
• 150 сварщик;
• 373 курулуш тармагында жумушчу (айдоочулар, механиктер ж.б.);
• 1000 айдоочу;
• 178 кызмат көрсөтүү тармагында жумушчу (чач тарачтар, официанттар ж.б.).
Улуттук статистика комитетинин маалыматы боюнча орточо айлык акы: финансылык сектордо 67 121 сом, өнөр жайда 66 990 сом, транспортто 58 657 сом, курулушта 57 472 сом, соодада 47 125 сом, айыл чарбасында 33 462 сом, кызмат көрсөтүү тармагында 29 679 сом, саламаттык сактоодо 28 082 сом, билим берүүдө 27 054 сом жана маданиятта 24 861 сом.
Жумушка орноштуруу боюнча кененирээк маалыматты жергиликтүү жумуш менен камсыз кылуу кызматтарынан алсаңыздар болот.
