Саймон Шустер 12-февралдагы материалында украин тарап Донецк облусундагы айрым территорияларды РФга өткөрүп берүү мүмкүнчүлүгүн карап жатканын, бул Киевдин Москва менен сүйлөшүүлөрдө "эң оор компромисси" деп атаганын билдирди.
Шустер ошондой эле, мындай компромисти легитимдештирүү үчүн украин тарап бул жазда референдум өткөрүүнү ойлонуп жатканын, ал аркылуу жарандарга территорияны жоготууга байланышкан келишим үчүн добуш берүүгө мүмкүнчүлүк берүү пландаштырылып жатканын кошумчалады.
Маалыматка караганда, Украина президентинин кеңсесинин башчысы Кирилл Буданов Зеленскийдин жардамчылары менен Донецк облусунун айрым райондорунан украин аскерлерин чыгаруу үчүн юридикалык жана практикалык шарттарды талкуулап, орус армиясынын бул территорияларды басып алуусуна жол бербөө боюнча узак мөөнөттүү сүйлөшүүлөрдү жүргүзгөн.
«Албетте, алар креативдүүлүктү көрсөтүп, бул адамдар үчүн кабыл алынуучу болушу үчүн жолдорду издеп жатышат», — деди украин чиновниктери журналист менен болгон сүйлөшүүдө.
Мындан тышкары, макаланын автору Украина мурдагы талаптарынан, атап айтканда, Владимир Путинди жана орус аскерлерин украин аймагындагы согуштук кылмыштар үчүн жоопко тартуу боюнча талаптарынан фактически баш тартканын белгилейт.
Москва жана Киевдин өкүлдөрүнүн ортосундагы дипломатиялык сүйлөшүүлөр биринчи жолу Бириккен Араб Эмиртинин борбору Абу-Дабиде 23 жана 24-январда, АКШ тарабынан сунушталган конфликтти токтотуу планынын алкагында өткөн. Маалымат булактарына ылайык, тараптар бир нече пункт боюнча макулдашууга жетишкен, бирок территориялар боюнча суроо ачык бойдон калган. Сүйлөшүүлөрдүн биринчи раундунда АКШнын мамлекеттик катчысы Марко Рубио Донбасстын маселеси чечилбеген бойдон калууда экенин тастыктады. Россия украин аскерлерин региондон чыгарууну талап кылууда, ал эми Киев бул талапты четке кагууда.
