Бул тууралуу шаардык билим берүү бөлүмүнүн окуу-методикалык кабинетинин жооптуу катчысы Нурсултан Касымбаев билдирди.
Анын айтымында, олимпиадага шаардагы билим берүү мекемелеринен 593 окучу катышты.
«II (шаардык) республикалык предметтик олимпиадада жалпы 593 окуучу мамлекеттик жана жеке мектептерден катышты.
Текшерүү комиссиясы ар бир предмет жана багыт боюнча жеңүүчүлөрдү аныктады. 54 окуучу 1-, 2- жана 3-орундарды ээлешти. Кыргыз Республикасынын Билим берүү министрлигинин жобосуна ылайык, 1- жана 2-орундарды ээлеген 36 окуучу кийинки этапка жолдомо алышты», - деп белгиледи Н. Касымбаев.
Олимпиада 10 предмет боюнча 17 багытта өткөрүлдү, алардын арасында:
- Англис тили
- Биология
- География
- Информатика
- Кыргыз тили жана адабияты
- Математика
- Орус тили жана адабияты
- Тарых
- Физика
- Химия
17 багыт:
- Англис тили (базалык)
- Англис тили (тереңдетилген)
- Биология (базалык)
- Биология (тереңдетилген)
- География
- Информатика
- Кыргыз тили жана адабияты (кыргыз тилинде окутулган мектептер үчүн)
- Кыргыз тили жана адабияты (орус жана өзбек тилдеринде окутулган мектептер үчүн)
- Математика (базалык)
- Математика (тереңдетилген)
- Орус тили жана адабияты (кыргыз жана өзбек тилдеринде окутулган мектептер үчүн)
- Орус тили жана адабияты (орус тилинде окутулган мектептер үчүн)
- Тарых
- Физика (базалык)
- Физика (тереңдетилген)
- Химия (базалык)
- Химия (тереңдетилген)
Манас шаарында 29 муниципалдык орто мектеп жана 16 жеке мектеп бар экенин белгилеп өтүү керек. Республикалык предметтик олимпиада төрт этаптан турат.
