Коомдук коллегиянын жыйынында 2025-жылдагы иштин жыйынтыктарын чыгара отырып, ал чет өлкөдөгү мекемелер менен медициналык адистерди даярдоодо биргелешип иш алып баруу тууралуу маалымдады. Атап айтканда, Россия, Түркия, АКШ жана башка өлкөлөрдүн медициналык уюмдары менен кызматташтык жүргүзүлүүдө.
Министрдин айтымында, мурда Кыргыз мамлекеттик медициналык университетинин ординаторлорун чет өлкөгө окууга жиберүү саны чектелген болчу. Бирок, азыр ведомство бул практиканы кыйла кеңейтүүнү көздөп жатат.
«Биз өлкөдөн тышкары билим алып, стажировкадан өтө турган адистерибиздин санын көбөйтүүгө умтулабыз. Бул амбициялуу, бирок ишке ашуучу долбоор. Бизде сүйлөшүүлөр жүргүзүлүп жаткан өнөктөштөр бар», - деп белгиледи Досмамбетов.
Ошондой эле ал февралдын башында Россиянын саламаттык сактоо министри Михаил Мурашко менен жолугушуу пландалганын, анда Кыргызстандан келген дарыгерлер үчүн стажировкалардын квоталарын көбөйтүү маселеси негизги маселелердин бири болорун кошумчалады.
«Биз Россия тарап биздин адистерди стажировкага өз эсебинен бир жылдан төрт жылга чейин кабыл алууга мүмкүнчүлүк берет деп үмүттөнөбүз», - деп баса белгиледи министр.
