Анын сөзүнө караганда, абанын булганышы боюнча маселелерди талкуулоо — бул жөн гана экологиялык проблема эмес, ал ошондой эле адамдардын ден соолугуна жана жашоосуна да тиешелүү.
«2015-жылы рак оорусунан 5 миң адам каза болсо, 2025-жылы бул сан 6 миңге жетет. Эгер биз ушул темпте уланта берсек, бул көрсөткүчтөр жыл сайын өсүп турат. Бизде алдын алуу программалары барбы? Онкология боюнча биздин медицина фактически иштебейт», - деди ал, жаңы саламаттык сактоо министрине үмүт артып.
Премьер-министрдин биринчи орун басары Данияр Амангельдиев бул проблемалардын бар экенин моюнуна алды, бирок алар бир түн ичинде пайда болгон эмес экенин белгиледи. Ал мамлекет бул маселелерди системалуу түрдө чечүү үчүн иштеп жатканын кошумчалады.
«Биз 2030 жана 2050-жылдары адамдардын жашоосу кандай болот деген олуттуу суроону койдук. Биринчиден, билим берүүнүн сапатын жакшыртуу жана өлкөдөгү адамдардын жашоосуна көбүрөөк көңүл буруу керек. Онкологиялык оорулар боюнча каржылоо каралган, ошондой эле ядролук медицина тармагында иштер жүрүп жатат. Борбордук Азияда ядролук медицинанын биринчи борбору түзүлөт», - деди ал.
Талиева ошондой эле жаңы министрлердин дайыма дайындалып жатканын жана аларга чоң үмүт артып жатканын белгиледи. «Ошентсе да, акыркы беш жылда медицина системасы кыйла жакшыршы керек эле», - деп кошумчалады ал.
