ММКФте белгилешкендей, ММК полиси - бул конкреттүү адамга байланыштуу жеке камсыздандыруу статусу. Ар бир камсыздандырылган адам тууралуу маалымат "ММК полиси" жалпы маалымат базасына киргизилет, бул мамлекеттик кепилдиктер программасынын алкагында медициналык кызматтарды алуу мүмкүнчүлүгүн камсыз кылат жана система ар бир жарандын укуктарын так аныктоого мүмкүндүк берет.
Эскерте кетсек, Кыргызстан жарандар үчүн ММК полисинин баасы жылына 1840 сомду түзөт. Полис төлөнгөндөн кийин 5 календардык күндөн кийин күчүнө кирет, ал үй-бүлөнүн ар бир мүчөсү үчүн өзүнчө төлөнөт. Жарактуу полистин болушу белгиленген көлөмдө медициналык кызматтарды алуу укугун камсыз кылат жана камсыздандырылган адамдын укуктарын коргойт.
