«АКШда башка өлкөлөргө караганда көбүрөөк ядролук курал бар»
Президент Дональд Трамп Пентагондун ядролук куралды сыноо иштерин кайра баштоосу үчүн буйрук бергенин жарыялады.
«Башка мамлекеттер өз сыноо программаларын улантып жаткан шартта, мен биздин ядролук куралды паритеттик негизде сыноо иштерин баштоо жөнүндө буйрук бердим. Бул аракеттер дароо башталат», - деп жазды ал 30-октябрга караган түнү TruthSocial социалдык тармагында.
Трамптын айтымында, учурда Америка Кошмо Штаттары башка өлкөлөргө караганда көбүрөөк ядролук куралга ээ.
«Россия экинчи орунда, ал эми Кытай үчүнчү, бирок алар кыйла артта калышууда. Бирок беш жылдын ичинде алар бизди жетип алышы мүмкүн», - деп кошумчалады президент.
1992-жылдан бери АКШ толук масштабдагы ядролук куралды сыноо иштерин жүргүзгөн эмес. Вашингтон 1996-жылдагы Ядролук сыноолорду толук тыюу салуу келишимин (ЯСБТ) колдогон, бирок ратификациялаган эмес, өлкө Невададагы полигондо субкритикалык жер астындагы сыноо иштерин улантууда, деп билдирет DW.
Сүрөт www
