Ал мектептер традиция боюнча окуучулардын конкурстарда жана олимпиадаларда жетишкендиктери боюнча бааланарын белгиледи. Бирок мындай ыкма ар дайым билим берүүнүн чыныгы сапатын чагылдырбайт.
«Кечээ мен Кочкор районундагы мектепке бардым, ал жерде мага 1995-жылы бүтүргөн, Гарвардга кирген окуучуну жана олимпиадаларда сыйлык алган бир нече окуучуну мисал катары көрсөтүштү. Бул мисалдар, албетте, ийгиликтин көрсөткүчтөрү, бирок биз педагогдордун чыныгы кесипкөйлүгү көптөгөн окуучулар менен иштөө жөндөмүндө көрүнөт деген жыйынтыкка келдик. Бир-эки ийгиликтүү студент толук критерий боло албайт, анткени алардын жетишкендиктерине үй-бүлөлүк шарттар, генетика жана башка көптөгөн факторлор таасир эте алат», - деп кошумчалады ал.
Байсалов билим берүүнүн сапатын эң алсыз окуучулардын билимдери боюнча, ошондой эле үй-бүлө колдоосу же ресурстары жок, кыйын шарттарда турган балдарга кандай жардам берилери боюнча баалоо керек экенин баса белгиледи. Биз акыркы натыйжадан тышкары, ар бир окуучунун жалпы прогресси маанилүү болгон системага өтүп жатабыз. Педагогдордун чыныгы чеберчилиги ушул жерде жатат», - деди ал.
Мындан тышкары, Байсалов мамлекет педагогдордун статусун жогорулатууну уланта турганын, анын ичинде эмгек акысын жогорулатуу жана жаш адистерди колдоого инвестицияларды кошууну белгиледи.
