Учурда бул мамлекеттик ишкана «Санаторий Иссык-Куль Аврора» Президенттин иш башкармалыгына карайт.
Текшерүүнүн негизинде 2026-жылдын 23-январында социалдык тармактарда жарыяланган маалыматтар колдонулган.
Текшерүү учурунда объекттин биринчи кабатындагы кирүү зонасында капиталдык ремонт иштеринин жүрүп жатканы аныкталды. Массалык маалымат каражаттарында маалымдалган бузулган технологиялык жабдуулар демонтаждалган. Анын ордуна жаңы жабдуулар орнотулуп, толук пайдаланууга берилген.
Ошондой эле, инвентаризациялык складда, коридорлордо жана айрым өндүрүш цехтеринде потолоктун штукатуркасы түшүп жатат, абанын нымдуулугу жогору, жана жетишсиз желдетүү себептүү потолок беттеринде көгөрүү пайда болгон.
Санэпидемнадзордон маалымдашкандай, аталган факторлор ашкана жайларында капиталдык ремонт жүргүзүүнүн зарылдыгын көрсөтүп турат. Мындан тышкары, текшерүү учурунда ашканада жана тамак даярдоо жайларында таракандар бар экендиги аныкталды. Бул боюнча тазалоо жана толук дезинфекция жүргүзүү боюнча сунуштар берилди.
Текшерүүнүн жыйынтыгы боюнча, аныкталган бузулууларга негизделип, «Аврора» эс алуу үйүнө Кодекс боюнча 214-берененин 1-бөлүгүнө («Техникалык регламенттердин, санитардык эрежелердин, гигиеналык нормалардын жана коомдук саламаттыкты сактоо жаатындагы башка нормативдик укуктук актылардын талаптарын бузуу») ылайык айып пул белгиленди.
